حبيتك بعد كلمة شكرا لـ صمت المشاعر قصه جديده رومانسيه جريئه 2 000 لاتفوتكم
حبيتـگ بعــد گـلمـة شگــرآ
*البــــارت الثــــانــــي*
مع آذان الفجر قام الكل لصلاة
وبعد الأذان جهزوا السيارات
لرحلــــه
أتواعد الجميع ينتظرون بعض عند محطة بانزين معروفه
جهاد ومحسن رايحين للموقع
قبل الرحله بيوم ومشيكين ع كل شي وجايبين عمال يبنوا الخيام
عائلــــــة بو جهـــــــاد
طلعت الشغاله الشنط بالحديقه
أبوجهاد>قرب السياره وهي سيارة العائله(صالون ملكي)
وبيروح معه>>أم جهاد+ جنى+ الشغاله آنى
أمابسيارة جهاد (المرسدس السي آل آر)
جهاد+وزوجته وصال وبنته فجر
وبسيارة جواد(البي أم دبليو)
جواد+جومانه
وبكذا توجهوا بسياراتهم لمحطة البانزين
عائلـــــــة بومحسن
أبومحسن يسوق سيارةالعائله (الفورد فري ستار) وراحت معه
أم محسن+ودنيا+والشغاله كارني
وبالسياره الثانيه سيارة محسن (الفكتوريا)
محسن + وزوجته ساره
وبالسياره الثالثه سيارة فراس
ال(لينكون إل إس الكحليه)
فراس+دارين+فارس
ووسن عاندت تبي فارس على أنه يضربهابس تحبه وركبت معهم
عائلـــــــةبوشـــــــادي
بوشادي وزوجته والشغاله
سومياتي بسيارة بوشادي(الفورد إكسبدشن)
السياره الثانيه
شادي+شادن
بسيارة شادي ال(فورد موستانغ الحمراء)
عائلـــــــة بوتركي
بسيارة تركي (الفورد فوكس السوداء)
تركي+أم تركي +رويدا +عبدالرحمن+الشغاله والم
طبعا أخذوا الشغالات بس السواقين ماراح يحتاجون لهم فخلوهم بالبيت
عند محطةالبنزين
أول ماوصل عائلة بوجهاد
الجو كان ظلام مابعد طلع النور
وجومانه نامت وراء
وجواد نزل من السياره
بعدهابدقايق جت سيارة تركي
بسيارة تركي الكل نايم الا عبدالرحمن
نزل تركي وسلم ع جواد ووقف
معه
وصلت سيارات عائلة بومحسن
بسيارة فراس كانت دارين تبي تنام بس وسن ملعوزتهانزل فراس مع الشباب ونزل فارس وراح لعبدالرحمن
وسن صارت تصيح تبي أمها
وسن:ديبي مااامااا أبي مااامااا
دارين: والله المشكله
أخذت جوالها ودقت ع فراس يجي يوديها لأمها
دارين:الو فراس وسن تصيح
تبي أمها
فراس: والله مشكله محسن مابعد جاء
دارين:شسوي بتذبح عمرها من الصياح
فراس :دقايق أجي أشوفها
راح لها ورفضت تنزل معه متمسكه بدارين
فراس:أقول أنزلي أنتي وياها بنشتري لهامن البقاله
دارين:لاماأقدر فيه رجال
فراس: الجو مضلم بعدين عيال عمك ياالله بس أنا معك
دارين تمسك وسن وهي تبكي وتنزل مع فراس اللي مشى قبلها
جواد وتركي اسمعوا صوت وسن وناظروا الجهه اللي من ناحيتها الصوت
جواد أبتسم وعرف أنها وسن أماتركي ماناظر في وسن نظراته تعلقت في الأنسانه اللي أحرمته الراحه
دارين لابسه نقاب وعيونها باينه
تركي(معقوله صدفه جمعتنا مره ثانيه لا لا أكيد أتخيل )
يوم مرت من عندهم دارين
رفعت أيدها تنزل غطاء نقابهاشوي
تركي أنتبه لكفها(نفسها يا ناس نفسها حتى الشامه اللي بكفها اليسار)أتذكرها يوم مدت أيدها تاخذ منه الكتاب
جواد: هاه شرايك فيها تاخذ العقل
تركي بستغراب :منهي
جواد:البنوته الصغيره اللي تبكي من شوي
تركي:أ أيه سم الله عليهاتجنن
(والله مادريت لاعنك ولاعنها)
جواد:اسمها وسن بنت أختي متزوجه أخو فراس محسن
تركي:أها يعني خال
جواد:ههههههههههه
تركي (لاتكون أم ذا البنت ومتزوجه أخو فراس
لا لابس أهي شكلها صغيره مومتزوجه وبعدين لوكانت أم لذا البنت كيف تمشي مع فراس)
وراح تفكيره بعيد ويحاول يعرف من ذا الأنسانه
بعــــد فتــــره
فراس:هاه شباب أتأخرت
عليكم
جواد:لاعادي بس شسويت في بنت أختي
فراس:ياأخي بهذلتني أنا ودارين
شريت لهاحلاو ورجعتهم لسياره
جواد:طيب شفيهاتبكي
فراس:تبي أمها ومحسن مابعد جاء
تركي(الحمدلله قال تبي أمها
يعني يمكن تكون عمتها دارين مو أمها لحظه دارين يعني قال بهذلتني أنا ودارين لايكون اسمهادارين وأهو فراس فواز
ورويد وأمي تقول دارين فواز
معقوله والله موقادر أركز في شي)
جواد:هذا هو محسن وصل ود له بنته
فراس :إي والله وأنت صادق
ومشى لدارين وأخذ وسن ودهالـــ محسن
وبعدها رجع لشباب ومع بدأيت
طلوع النور اجتمع الكل وحركوا سياراتهم أتجاه مكان الرحله
بوقــــت الظهــــر
وصلوا فــ مكان حلو بعيد عن الرياض وزحمة شوارعه واصوات سياراته
مكان يعمه الهدواء
نزلوا من سياراتهم
تفأجواء البنات من المكان كان فيه مرتفعات جبليه حلوه
كانت الخيام مبنيه
عند الرجال خيمه كبيره يناموا فيها الشياب
وفيه بيت شعر واسع وحلو
أماعندالحريم
الأولى كانت مجلس كبير وبجنبه وحده ثانيه للمطبخ
وفيه خيمتين ثانيه بس كبار لنوم
الأولى:لأم جهاد+أم تركي
الثانيه:لأم محسن+أم شادي
وكان بين خيام الحريم والرجال
مسافه شوي مو بعيده مره ولاقريبه يعني وسط
راحوا الرجاجيل لخيامهم عشان يصلوا الظهر
اماالشغالات بدوا ينزلوا الأغراض ويرتبونها
والحريم والبنات كل واحد توجه لخيمته عشان يصلي
بعدالصلاة دخلت أم محسن+أم جهاد لخيمةالطبخ وسووا قهوه وأعطوهافارس وعبدالرحمن يودوها خيمة الرجال
وبدوأ يسوون الغداء
بمساعدة الخدم
بعدماتغدواء الكل أخذله قيلوله بعد التعب
وبماأن الجو يساعد كان غايم
بعــــدالعصــــر
أجتمعوا الحريم بالخيمه (المجلس)يتقهون ويسولفن
البنات قاموا وبدلوا وكلهن لبسن جلابيات وكل وحده معها جلالها أحتياط
دخلوا عندالحريم
جلست شادن بجنب جومانه
شادن:قومي صبي لي قهوه
جومانه:لا شقالولك أصغر عيالك
شادن:يوووه جوجو قومي
جومانه:Noلوجايه من البدايه بأسلوب أحتمال أني أقوم
شادن:أعوذبالله لابطيب ولا بالقوه
جومانه بصوت واطي :ليه تعرضين أساليبك علي شقالولك فراس زوج المستقبل
شادن بتنهيده:أناكل ماأحاول اتناساه تذكريني
جومانه:ياعيني ياعيني يخرب بيت الحب شوبيعمل
رويدا من بعيد:أصب لكم قهوه
شادن:إيه تعالي أنقذيني مشتهيه لها وجومانه تذل الواحد بدل ماتخدمه
جت لهم رويدا بالقهوه
وبكذآ اجتمعوا بجهه من الخيمه
وبدت سوالفهم
والرجال كانوايتقهووا ببيت الشعر
وع الساعه5والأجواء غائمه
لبسوا بنطلونات وراحوا خلف الخيام يلعبوا كوره ومعهم محسن وجهاد حراس
وأصواتهم واصله لأخر الدنيا
ضحك وتعليقات وصراخ
البنات كل وحده لبست جلالها ومشوا مع بعض يستكشفون المكان راحو لأحد الجبال المتوسطة الأرتفاع
رويدا:واااااو يهبل
دارين:شكله من قريب أحلى بكثير
جومانه: شرايكم بعدالعشاء نجي هنا
جنى:إي والله فله
جومانه:على تبن أنتي ودنيا ماراح تجون
دنيا:ليه مانجي معكم
جومانه: بس كيفي موجايين معنا
دنيا:آف تعالي جنى نتمشى
راحت جنى ودنيا بطريق
وعــ المغرب رجعوا البنات للمخيمات
بعدالعشاء عــ الساعه 11
كان فارس وعبدالرحمن يلعبون كوره خلف مخيم الحريم
دنيا:تكفى فارس بنلعب معكم كوره
جنى:إي والله بس شوي
فارس:طيب بس ليه ماتروحون تجلسون مع البنات
دنيا:طاردينا مايبونانروح معهم
فارس:وين بيروحون
جنى وهي تأشر ع الجبل القريب:بيروحون لهذا بيسهروا فيه
فارس غمز بعينه لعبدالرحمن اللي فهمه
فارس:ياالله دحوم نلعب لعبوا شوي بعدين دخلت جنى ودنيا بعدالتكسير اللي صابهم
للخيمه واخذوا جوالات أمهاتهم
يلعبون بالألعاب ويتفرجون على المقاطع
بعــــدالعشــــاء
عندالبنات الخطه ماشيه
نزلوا لبسهم ولبسوا بنطالونات
مع جاكيتات طويله بما أن الجو بارد شوي وأخذوا معهم طرح
جومانه بالمطبخ وتحط بالشنطه اللي حاطتها ع جنبها شبس وبيبسي وحلويات لسهره
رجعت للبنات بخيمتهم لأن الحريم مجتمعات بالخيمه المجلس
جومانه:يالله بنات خلصت خذوا جوالاتكم ويالله
طلعوا البنات يتسحبوا ع شوي شوي عشان ماحد يحس
وصلو الجبل وجلسوا بجنبه وطلعوا مستلزمات السهره
وبدوا سوالف وضحك وأكل
والجو كان شوي بارد والقمر
معطيهم جو ولا أروع شغلت جومانه مقطع صوت بجوالها
وبدت سهرتهم
عندالرجال ناموا الشياب بالخيمه تقريبآ عـ الساعه12 ومحسن طلع لخيمة أمه بعد ماأتصل عــ ساره تكون في الخيمه
وجهاد طلع يشوف وصال ورى خيمةالحريم
وبقوا الشباب ببيت الشعر
فراس:والله حركات جهاد ومحسن شايفين أنفسهم علينا بحريمهم
تركي:وأنت أش دخلك حرام يشوفوا حريمهم
شادي:يارب متى يجي لي زوجه وأروح أشوفها وأترككم
الشباب:هههههههههههههههه
عندمحسن وساره
كان يسولف معها
محسن:هاه مرتاحه
ساره:إيه الحمدلله
محسن:يعني مامليتي
ساره:ماأمداني كلهايوم
محسن :قومي جيبي لي وسن أشتاق لها
ساره وترفع حاجب :بس وسن
محسن:وأم وسن
قامت ساره لأمها وجابت وسن وأعطتها له
محسن:باس جبين ساره وطلع بوسن لشباب
عند جهاد + وصال
جهاد:هاه شخبار الغلا
وصال بخجل :تمام
جهاد مسك أيدها :بردتي
وصال:لاعادي
جهاد:طيب وين وفجر
وصال:نايمه من وقت
جهادوهو يضغط ع أيدها:إذا بغيتي شي حياتي دقي علي
وصال:أن شاءالله
جهاد رفع كفها وباسه:تصبحين عــ خير
وصال أستحت من حركته وهمسة :وأنت بخير
راح جهاد لشباب
في بيت الشعر
جواد:وسون خالك أنا تعالي
فراس:قوم ياشيخ أناعمها
محسن نزلها وراحت تحبي لحضن تركي وأخذهاتركي وباسها جلسةبحضنه وهي ماسكه أصابع أيده
فراس:أيا الخايسه تروحين لرجال مايقرب لك
محسن:لاتقول كذا يمكن أزوجها لتركي
الشباب:هههههه
بعدماأستأذن جهاد وقال أنه بينام
محسن:أنافيني نوم إذا خلصتوا من بنتي رجعوها لأمها
شادي:صدق ماعندك غيره تخلي بنتك مع شلةشباب
محسن:لاعادأهي مع زوجهاتركي
تصبحون عـ خير
الشباب:ههههه وأنت من أهل الخير
وطلع ينام بالخيمه
ظلوا الشباب سهرانين بعدها
طلع جواد يودي وسن أخته ومعه تركي بيشرب مويه من المطبخ
والساعه تقريبآ 1 صباحآ
عنـــــــدالبنـــــــات
وهن مندمجات بالسوالف
سمعن صوت خطوات
شادن:بنات تسمعون شي
رويدا:لاتقولين أناخايفه
من خلف الصخره
بووووووووووووووووووم
البنات:يمااااااااااااااااااااااااه
وركض للخيام
فارس+عبدالرحمن
ههههههههههههههههه
البنات يركضن والطرح طارت من السرعه
وصلت شادن +جومانه
ودخلوبالمجلس لان الكل نايم وهو الوحيداللي مافيه حد
رويدا تركض بسرعه متجهه لخيمة أمها وخالتها
جواد نزل وسن النايمه بجنب أمهاوطلع أول ماطلع عند الباب حس بصدمه ع صدره كان رأس رويدا
رفعت رويدا رأسها تشوف من ذا اللي قدامها كانت الأضأه خفيفه بس بمساعدة نور القمر ميزت أنه جواد
جواد شاف رويدا وشعرها ع كتفها مو مصدق ان رويدا بذا البعد عنه أخيرآ قال:شفيك
رويدا بعدت عنه ودخلت الخيمه وهي تتراجف
مشى لجهة بيت الشعر وهو يفكر فيها
تركي بخيمة المطبخ بعد ماشرب
نزل الكاس ومشي وعندالباب حس بأحد ووقف قبل مايطلع من المطبخ
دارين وهي تركض صار بوحده من رجولها التواء عند الباب وطاحت بس قبل ماتوصل الأرض فيه يد شخص أمسكت بأيدها اليسار وأيد ثانيه أمسكت بوسطها
كانت يدين تركي
سحب أيدها اليسار وأنتبه لشامه عرف أنها الأنسانه اللي كان يدور عليها من فتره
في مهب الريح أوقـــف،،والتفت
بجمــوح خيــل
واحتزم في حبل صبري لاحمى الموقف بلهفــه
وانصدمــت بواقــع أقســـى من طريقــي حيـل حيـل
الزمـان ايعيدنفسـه ،،والوصـال ينـــال حتفـــه
أمادارين ماتدري من ذا المنقذ
كانت رافعه شعرها ومن الركض نازل خصل ع وجها ورقبتها طالع شكلها جنان
بعد ماسحبها ووقفت ع رجولها بعد أيده اللي ع وسطها
دارين رفعت راسهابتشوف من ذا الشخص ويوم رفعته شافته
وجت عيونهم ببعض مره ثانيه
بس ذا المره بدون نقاب أوغطى شاف الحواجب السودا الطويله شاف الوجه الملائكي نزلت راسها وهي تحبس دموعها
تركي بخاطره(وآخير شفتك )
:ممكن تجلسين اشوف رجلك
دارين وهي لافه وجهها :مابي وسال منها دمعه
شافهاتركي ع خدها
تركي عرف أنها تبكي من الموقف اللي جمعهم كذا وهي بدون غطاء لفت بتروح بس ماقدرت رجعت وجلست وهي منزله راسهاوتبكي بصمت
تركي بخاطره(لاياروح تركي لاتبكين أنا ماصدقت أشوفك لاتنزل دموعك)
[صعبه أنك تشوف الأنسان اللي
تحبه قدامك ويتألم]
تركي كان لابس بنطلون بيج وتي شورت أسود مقلم بخطوط بالعرض لونها بيج
ولابس قبوع بيج ومع ذا القبوع لفه حاطها عـ رقبته
نزل الفه وبهدوأ :خذي حطيها ع راسك وغطي بها وجهك
دارين ماصدقت لقت غطا حطته ع راسها ولو أن بعض خصل شعرها طالع وغطت وجهها
قام تركي وفتح الثلاجه وطلع من الكيس حبات ثلج وحطها بصحن
تركي:هذا ثلج حطيه ع رجلك
وأنا >>>>>>>بخاطره(أحبك أحبك أحبك) وأنا طالع
مشى تركي بس مولبيت الشعر
تعدى مخيمات الرجال يتمشى وكانت الساعه 2:30
بالمطبخ دارين ماودها تنزل لفته ريحة عطره(كان عطره سمياكي) جننتها جلست شوي وهي حاطتها ع وجهها بعدين حطتها ع رقبتها
وأخذت الثلج اللي حطه قدامها حطت منه ع رجلها
بعده دخلت شادن ورويدا
شادن:دارين شفيك
دارين:لا التواء بسيط برجلي
رويدا:شادن خل نساعدها ونوصلها للخيمه
بعدماساعدوها ووصلوا
(المجلس)
بعد ماجلسوا
دارين:الاوين جومانه
شادن:نامت من زمان
رويدا:مومصدقه اللي صار لنا
شادن:يوه لاتذكريني
دارين مو مستوعبه اللي صار لها
وبخاطرها(أجل كيف بتصدقون إذا قلت لكم اللي صار لي وأنا نفسي مو مصدقه)
تركي كان يتمشى
تنهد بقوه وهو رافع وجهه لسماء
موقادرأصدق كانت قريبه مني حيل أحس بتنفسها من سرعته باين أنهاكانت تركض آآآه
بيدي هذه مسكت أيدها ويناظر بأيده لاوبعد وسطها هههههه
مالوم البنت إذا بكت ياروحي عليها ملاك
غير طريقه واتجه لبيت الشعر لقي الشباب كلهم ناموا الاجواد
وبدخلته سمع صوت ضحك قوي
طلع وطلع معه جواد ناظروا
لقوا فارس وعبدالرحمن متجهين يمهم ويضحكون
جواد وتركي مشوا لهم
جواد:شفيكم تضحكون ومن وين جايين
فارس+ودحوم مازالوا يضحكون
تركي:تكلموا دحوم إذا ماتكلمت كف ع وجهك
ويالله قدر يمسك نفسه
دحوم:أنا وفارس خوفنا البنات من عندالجبل
وتذكروا أشكال البنات وماتوا ضحك ههههههههه
تركي+جواد
هههههههههههههه
موفاهمين شي بس من أشكال العيال اللي جلسوا ع الأرض من الضحك
هههههههههههههههه
أبوجهاد من داخل الخيمه وشكله معصب :ياعيال
حطوا العيال وتركي وجواد معهم رجلينهم لبيت الشعر
ودخلو فيه عشان ماحد يكشفهم
وكانت الساعه 3
جواد:ذبحتونا كان بيكشنفا أبوي
تركي:أنتم بتقولون شصار ولا نسوي فيكم شي ماتتوقعونه
عبدالرحمن:هههههه أنا هههههه
ماأقدر أ أتكلم ههههههه
جواد عصب :فارس أتكلم
فارس:طيب بتكلم
ويجلس ويجلسون معه
البنات كانوا بيسهرون عندالجبل عرفناالمغرب عن طريق جنى ودنيالأنهم طردوهم
رحت أنا وعبدالرحمن قبلهم ورى الجبل وخليناهم فتره يستانسوا بعدها صحنا عليهم هههههههههه
تركي:إيه وبعدين كمل
فارس:طيب وياخذا نفس
بعدماصحناعليهم حطوا رجولهم وماشفنا غير غبرتهم
هههههههه وأختي دارين أخر وحده ههههههههه
تركي(وأنا أقول العيون والحواجب نفس بعض آه ياقلبي آثاريك أخوها )
عبدالرحمن:وأخذنا البيبسي والشبس والفشار اللي خلوه
وجوالاتهم حطيناها بكيس وجبناها معنالخيمتهم
جواد:الله يرجكم خوفتوهم مساكين
تركي :إي والله حالتهم صعبه
(وأنا أصعب)
ظلوا يسولفون الين جاء أبوجهاد يصحيهم لصلاةالفجر وسووا نفسهم نايمين
بعدكذا صلوا وناموا الا تركي وجواد اللي يفكرون في اللي صار لهم
جواد وهومتمدد(الله يارويدا كنتي تحسين بدقات قلبي وأحس بدقات قلبك
كنت أحس بتنفسك كنتي هنا <ويأشر ع صدره>ع صدري
والله لوتدري ياتركي أني أفكر بأختك لاتذبحني)ولف للجهه الثانيه وغمض عيونه
تركي متمدد بس بعيد عن جواد
(نفسي أطمن عليك وشصار فيك قدرتي تمشين ولا آه لوأقدر أكلمك ولا أشوفك
ياروحي عليك أنتي دارين صديقة رويدا اللي أمي بتخطبها لي وأنا أرفض ليه ماوافقت ليه
إعذريني يالغاليه ماكنت أدري أنه أنتي)
وعلى هالأفكار نام
عندالبنات صلوا وناموا الارويدا
اللي مومستوعبه أنها طاحت بصدره
ودارين (معقوله ذا الصدف كان ماسك أيدي وعطاني لفته وهي تضمها لصدرها وريحت عطره المركز تداعب أنفها)نامت وهي بذا الحاله
يوم جديد لهم بالبر
قاموا الحريم وجهزوا الفطور والقهوه وأعطوا الرجال
البنات والعيال مابعدا قاموا
عــ الظهر قاموا الشباب لصلاة
والبنات صحوا
بعـــــــدالغـــــــداء
أمطرت السماء الملبده بالسحب
والكل طالع يستمتع بقطرات المطرالخفيفه
حطوا بساط بين المخيمات وجلسوا الشياب والحريم بعد ماتغطن وكل وحده لأبسه جلالها
البنات بدلوا لبسهم ولبسوا بنجابيات واسعه عشان ياخذوا راحتهم وكل وحده لابسه لثام
دارين لابسه بنجابي أسود مع تحديدورسومات بالذهبي
رويدا لأبسه بنجابي بيج معه رسومات بالأحمر
جومانه لابسه بنجابي أصفر
شادن لابسه بنجابي لونه سمائي
طلعوا من الخيمه وراحوا خلف المخيمات يتمشون
أماجنى ودنيا كانوابعيد عنهم ويتسابقن
فارس وعبدالرحمن يلعبون كوره
الشباب طلعوا من الخيمه
تركي لابس بنطلون أسود وتي شورت كات أسود ونازل من شعره خصل ع جبينه ولابس نظاره سوداء
جواد لابس نفس لبس تركي بس لونه أبيض
وشادي لابس نفسهم بس الون بيج
وفراس يكلم غلا ورايح لمسافه بعيده
سلموا وجلسوا مع أهلهم
عــ البساط
بوجهاد:اليوم الساعه3 كني سمعت أصوات
جواد:لا حنا نايمين من وقت
شادي:يمكن عندالبنات
أم جهاد:إي والله اليوم الفجر ياالله أني صحيت البنات
أم تركي:والبنات يقولون أن دارين رجلهاتعورها
أم محسن:إيه شكلها طاحت عليها
أم شادن:واليوم كيفها
أم محسن:لا الحمدلله تمشي عليها بس باين أن فيهاشي
بومحسن:لازم نوديهامستشفى إذا رجعت تعورها
بوشادي:وش هوله مستشفى والدكتور معنا
شادي:أناتحت أمركم بالي تبون
تركي حس بغيره من شادي
أم محسن:لاهي قالت ماتعورها ماله داعي نخوفها
تركي يبي يغير السالفه :الأقول شرايكم العصر نروح كلنانطعس
بومحسن:هذا وأنت الشرطي
تركي:ههههه شرطي بس مو عليكم ياعمي
قاموا الشباب يتمشون بعد مانادوا فراس وانضم لهم
عندالبنات وهن يتمشن ويسولفن ويضحكن
دق جوال رويدا بنغمة (سواها قلبي>لأصاله)
شادن:جوالك يدق ياهوه
رويدا وهي تردد مع الأغنيه
(ماطاعني وانا عن الحب ناهيه
الظاهرأنه
جومانه تقاطعها:ردي ع اللي يدق بعدين غني
رويدا:اهوووا تركي
جومانه :طيب ردي أكيد يبغي شي ضروري
رويدا :الو
ودارين قاطه أذنها عندرويدا
تركي بصوت هادئ :شفيك ماتردين
رويدا أستغربت هدوئه :فيك شي
دارين أحتاست وخافت عليه
تركي ع حالة الهدواء :مافيني شي ناظري وراك
التفت رويدا بسرعه لوراء شافت الشباب مقربين لهم
قفلت الجوال لانهم وصلوهم
دارين من غير شعور: شفيك وش فيه
تركي خلفها وسمعها(ياقلبي تخافي علي)
وبصوت هادئ:مافيه شي
التفتت لناحيةالصوت شافته واقف خلفها بعدت شوي وناظرت برويدا
رويدا ابتسمت على حركات أخوها
جواد:كيف حالكم بنات
ردت رويدا وشادن وجومانه:الحمدلله تمام
تركي وعيونه ع دارين: أن شاء الله الحين أحسن
فهمت دارين أنه يسأل عن رجلها هزت دارين راسها بمعنى نعم
والباقين موفاهمين
جواد:كيف رجلك يادارين الحين سمعنا أنهاتعورك
دارين بهمس:الحمدلله
(تركي يعني خلاص أنتي دارين أخت فارس وفراس وأخيرآ يادارين)
شادي:شرايكم تروحون معنا تشوفون التطعيس وعينه ع جومانه
جومانه عطته نظره بمعني(انطم لاتوطى فبطنك) ولفت عنه
شادي سكت وهو كل يوم تقهره أكثر
شادن:مو مشكله نروح معكم
جومانه:أناماأبي أروح
شادن:ليه ماتروحين معنا
جومانه:كذآ ماأبي أروح
وهي تمشي بأتجاه المخيمات وتاركتهم وراها
جواد: ماعليكم منها ياالله نمشي
شادي وده يمسكها بشعرها تقهره وتجرحه وهوساكت
وراحو الشباب ومشوا وراهم البنات
وركب شادي وفراس السياره الخاصه لتطعيس اللي جايبينها عندالمخيمات قبل مايجون بيوم
وفارس وعبدالرحمن من سمعوا أن فيه تطعيس ركبوا دباباتهم وراحوا خلف الشباب
وجواد ركب سيارته ومعه تركي وركبت معهم جنى و دنيا ودارين وشادن
جواد:خلاص أكتملتم ياصبايا
جنى:إيه جواد خلاص
تركي:ياالله تحرك شقاعد تنتظر
جواد وهويفتش بسيارته:إيه طيب بس أخذ كاست
فيني طرب
تركي:هههههههه ياالله خلص
البنات جالسات بهدوأ ولايتكلمون
بعد مالقي الكاست رفع جواد عينه للمرايه وشاف عيون يرتاح لها
نزلت رويدا عيونها
وحط جواد كاست بالمسجل
وكانت أغنيه لخالد عبدالرحمن
شغل السياره ومشي
'¤حظ عيني لو تشوفك كل يــوم¤'
'¤حظها وانته لناظرها الضيـــــــاء¤'
'¤نام فيها نام وانعس لاتقــــــوم¤'
'¤بالسعاده ياتباشير الحيـــــــــــاء¤'
'¤إنت ياللي لك انا عمري اســــوم¤'
'¤وارخص الغالي بلا زيف وريـــاء¤'
'¤والبقايا مالهم عندي لـــــــــــزوم¤'
'¤قلبي وقلبك حبايب اوفيـــــــــاء¤'
'¤غيبتك وجدان واحزان وهمـــوم¤'
'¤تتعب افكاري تسبب لي عيـــــاء¤'
'¤ودي بشوفك مع طيب العلــــوم¤'
'¤عن عيوني لايبعدك النيــــــــــاء¤''
الكل مندمج ومركز بصوت الأغنيه
جواد يسوق السياره بهدوأ
وتركي تسند على كرسي السياره وغمض عيونه وهو يردد بقلبه
'¤صدق انا مشتاق لكني كتــــــوم¤'
'¤اجبر عزومي ويمنعني الحيـــــاء¤'
'¤منزلي فوق الكواكب والنجــــوم¤'
'¤وافي وسمعي على صوتك حياء¤'
'¤وش على عيني لو شافتـك دوم¤'
'¤دامك انت في نواظرها الضيـــاء¤'
'¤حظ عيني لو تشوفك كل يــوم¤'
'¤حظها وانته لناظرها الضيـــــــاء¤'
بعد ماوصلوا الموقع نزلوا
وصلوا المكان وفحطوا الشباب والبنات يناظرون ويشجعون وتصفيق وتصفيروأصوات واصله لأخر الدنيا
اتعرض شادي لطيحه أثرت على ذراعه
وهو جالس
تركي:تعورك
شادي وهو يتألم:حيل
جواد:ياالله نرجع للخيمه شنطتك شنطةالأسعافات فيها كانوا البنات يناظرون وهم خايفين على شادي
ركبوا سياراتهم بعد ماساعدوا شادي يركب السياره
وتوجهوا للمخيمات
بالمخيمـــــات
الشياب مع محسن وجهاد طالعين لواحد أتعرفوا عليه بالبر وراحوا يتقهوون عنده
الحريم حاطات بساط قدام خيامهن وجالسات ومعهن جومانه الشغالات يرتبون المكان
وفجر و وسن نايمات
وكان الجو هادئ
وصلوا الشباب وخلفهم فارس وعبدالرحمن على دباباتهم
بعد مانزلوا اتجهوا للحريم
وجواد راح يجيب شنطةالأسعافات الأوليه
الشباب والبنات:الســـــلام عليكـــــم
الحريم:وعليكـــــم الســــلام
أم شادي بخوف:يمه شادي شفيك
شادي وهو ساكت ويتألم بصمت
فراس:مافيه شي خالتي
وهم يجلسون على البساط
أم شادي:كيف يمه فراس مافيه شي وهو ماسك ذراعه وباين أنه يتألم
تركي بهدوأ: أم شادي ضربه خفيفه بذراعه ماتأثر أن شاءالله
وصل جواد بالشنطه ولفوا الشباب ذراع شادي بضماد ماسك برقبته
وأرتاحت أم شادي بعد ماأطمنت عليه
دارين:الحمدلله ع السلامه
شادي:الله يسلمك يارب
رويدا:الحمدلله ع السلامه وماتشوف شر
شادي:الله يسلمك
جومانه بخاطرها(ياربي أقوله الحمدلله على السلامه ولا
الا بقوله مو ولد عمي ياالله لا لا أسكت أحسن )
شادي جالس ويبتسم لهم يبي يطمنهم عليه
فجأة تذكر جومانه
رفع عيونه له شافها تناظر تحت
يناظرفيها وبخاطره
(ليه ياجومانه
ماجاملتي وقلتي الحمدلله على السلامه ليه)
رفعت جومانه عيونها وشافته
شادي ناظرفيها نظره ماعرفت معناها نظرة ماقدرت تفسر هل هي عتاب ولاترجي
بعد مااعطاها ذا النظره صد عنها وبخاطره(لو أنا حبيبك صدق شفت الخوف بعيونك قبل ماينطق لسانك بس للأسف فاقد ذا الصفه فيك خساره ياجومانه حبيتك من قلب
بس قلبك مو على قلبي
ماتتصورين شكثر أنا أتألم من داخل أكثر و أكثر وكله منك)
جواد:شادي ياالله قوم عشان صلاةالمغرب
شادي:ساكـــــت
جواد:شااااااااادي
شادي بروعه:شصاير شفيك تصارخ
جواد:سلامتك أتكلم والأخ بعالم ثاني
شادي:إي أخ
فراس يكلم جواد:شكل حالته صعبه قوم خلنانشيله أحسن
وهم يقومون
شادي :لاوين تشيلوني روحوا زين شايفيني بزر بعدين الضربه بأيدي مو رجلي
الــــكـل:هههههههههههههههههـه
قاموا الشباب وراحوا للخيمه
وصلوا وبدلوا لبسهم وسووا جلسه خلف الخيمه
دخلوا الحريم بعدالصلاة بخيمةالمجلس
والبنات راحوا للخيام وبدلوا لبسهم وأخذوا عصائربارده
وراحوا للحريم بالمجلس
دخلوا وجلسوا
بخيمةالحريم
أول مادخلن البنات كان هذا حوار الحريم
أم محسن:وبيرجع بكره تعب عليه
أم تركي : شنسوي هذا شغله بيجلس بالشرقيه ثلاث أيام ويرد أن شاءالله
دارين(ليه يمه ماسألتيها الين جيت ياليتني ماعرفت ماأدري شصارفيني بس تعودت على وجوده تعودت أشوفه لو من بعيد)
البنات جالسين ودارين جالسه معهم بس قلبهابمكان ثاني
أم جهاد:وينكم يابنات ماعاد تنشافون
شادن:شنسوي ياخاله جايين نتمشى
أم شادن:ياكثر كلامك أنتي
الكل:هههههههههههه
بالليل الجو بدأ يبرد
ولعوا الشباب النار والتموا الشياب
حولها والحريم ومحسن بجننه ساره وبنته فحضنه
وجهاد جنبه وصال وبنتها
أبوشادي:الله يصلحهم ماكأنهم كبار
بوجهاد:زوجه وبيكبرويحس بالمسؤليه
بومحسن:هالعيال بالذات في نظري مستحيل يكبرون
أم شادي:أهم شي راحتهم
بوشادي:وأحد مخربهم غيرك
أم شادي:شلون يعني
بوشادي:لاولاشي
بوجهاد:دواك
وضحك وسوالف على الشباب
البنات بالمجلس ودارين تحس بحزن وجالسه بالخيمه بروحها
أشعــر أن الحــب في صفــه
ربحنــي
قبـل أحبــك كـان ماللحــب صــوت
الشباب بعد مالبسوا لبس ثقيل بنطلونات وبالطوات
حطوا لهم بساط خلف الخيام
وأرسلوافارس وعبدالرحمن
ينادوا البنات يلعبون معهم
البنات لبسوا بنطالونات
وبالطوات طويله وتلثموا وطلعوا
جومانه مرت ع الخيمه وقالت لدارين
ومشت مع البنات
جنى ودنيا يلعبون ورق بالخيمه
وصلوا البنات وجلسوا بعيد شوي عن الشباب
تركي كان يدور عليها بس ماشافها
تركي وهو يسوي روحه مو مهتم:ماكأنكم ناقصين
رويدا: الا ناقصين دارين مابعدجت
فز قلب جواد لذا الصوت
بعد دقايق وصلت دارين وهي لابسه بنطلون جينز وبالطوا طويل بيج ومتلثمه
ردت السلام وجلست بين جومانه ورويدا
شادي: يالله بسم الله ببدأ لعبتنا وهي لعبة الصراحه مستعدين
ويناظرجومانه
جومانه عطته نظره ولفت تكلم دارين
شادي بخاطره(ليه دايم أحتاج أسألك شفيك شلي زعلك
ليه دايم ردودك تكون
نظره بمعنى شدخلك)
دارين تساسرها:والله لعبةالصراحه معهم محرجه
جومانه: ماعليك منهم مايستاهلون من يخجل عشانهم
فراس:يالله نبدأ بس شوي على إيدك لاتتعور
شادن بخاطرها(لاوفيك الخير تكلمة كلفت عــ عمرك)
شادي:خذ العلبه ماراح أبدأ
فراس:شادي شفيك
شادي:ولا شي خذالعلبه
أخذهافراس
جواد:قبل مانبدأ نبي كل شي بصراحه حتى لوكانت محرجه
وفيهاطلبات اللي يبغى شي من الثاني يطلب
أتفقنــــا
الكل:اتفقنــــا
حرك فراس علبةالمويه
وصارت بين تركي وشادي
فراس:ياالله ياتروك أطلب من شادي
تركي:تروك بعينك أصغر عيالك
الكــــل ضحــــك:ههههههههه
فراس:أقول أطلب بس وأنت ساكت
شادي:تكفى ياتركي لاتحرج أنا أعرفك جريئ
جواد:ماعليك منه أي شي فخاطرك قوله
تركي:جواد آفاعليك لاتوصي
فراس:زين ياالله شتبي منه
تركي وهو يناظر فيه :ماعليش
أحناأتفقنا ع الصراحه ابي أسألك وجاوب
شادي:قول وأمري لله
تركي:مريت بمرحلة حب أو خلنا
نقول أعجبت بأحد وأنت عارف قصدي
الكل أنصدم من صراحة تركي
شادي يرفع نظراته لتركي:
لا تركي شذا السؤال ماتبيني أعلمك من هي وأريحك
تركي رافع حاجب:تكون أكثر صراحه وتريحنا
فراس:شادي يعني فيه وحده هههههههههه
شادي يستهزئ:ههههه لاواحد
جواد:شادي مقول الا الله يعينك
على ماأبتلاك
تركي:ياالله جاوب
شادي:والله لوتموت وناظر بفراس: فراس لف العلبه
ضحكوا على حركات شادي ولف جواد العلبه وجت على فراس وتركي
جواد:تركي وش في العلبه ماسكه عليك
تركي: وأنا أدري
فراس:تركي أنااللي أطلب منك الحين شرايك أردها لك بدل شادي
تركي وهو يبتسم:عادي ماعلي منكم
شادي:طلبتك يافراس ردها له
فراس:طيب تركي أنت ليه للحين ماتزوجت
هنا كانت دارين تنتظر الأجابه
تركي بكل غرور:والله مابعد لقيت وحده جاري البحث عنها
وابتسم إبتسامه جانبيه وقال:بس يبدوا أني لقيتها وبتسمع إن شاءالله بزواجي قريب
شادي بسرعه:طيب من هي
تركي:لاياحلو مثل مارفضت أنا أرفض التصريح بها
جواد :ياهوووا ترا ماحنا برنامج تصرح وماتصرح
فراس :ياالله بس نكمل
لف العلبه
جواد:ياالله شادي وجومانه
شادي أطلب
شادي(حتى لوصارت بيني وبينك وهي لعبه أكيد بتجرحيني
ألف مره وأنا مو ناقص اللي فيني يكفيني)
جومانه(مالت عليك بيحرجني أكيد حركاتك مكشوفه)
جواد :ياالله شادي اطلب من جومانه
شادي وهو يناظرها رفع حاجب وقال:مــــابي شــــي
جومانه أنصدمت من رد شادي ماتوقعته أبدا أهو دايم يغتنم الفرص ويكلمها والحين جت إلين عنده ويردها
جواد:لا مايصير لازم تطلب
شادي بهدوأ أكثرمن قبل:قلت مابي شي
وهو يوقف :وأناتعبان بدخل أنام
وهو يمشي بأتجاه الخيمه
جومانه للحين بصدمتها
فراس:شفيه
تركي:أعذروه يمكن تعبان ويبي ينــــام
جواد :يمكــــن
عادوا اللعبه وطاحت عـ تركي ودارين
جواد:ياالله تركي اطلب من دارين
تركي بيتشقق من الوناسه
ودارين (ياربي حظي ليه كذا)
تركي يناظردارين وقال بهدوأ:
أحس بالبرد وجاكيتي بالسياره خلف الخيمه وهذا المفتاح(وهو يمد أيده) ياليت تجيبينه
دارين قامت وأخذت المفتاح بيد ترتجف
راحت لتجاه سيارته وماكان فيه حد وكان ظلام
فتحت السياره وركبت ع المقعد اللي بمكان السائق وهي تتأمل سيارته وريحت عطره اللي بنفس اللفه اللي عطاهياه
عندالشبــــاب
دق جوال تركي وكان وأحد من ربعه
تركي:أنابطلع أكلم وانتم كملوا لعبتكم
شادي:بنكمل بس لاتطول
تركي:أوكي
كملــــوا لعــــب
تركي وهويتمشى و يسولف مع صديقه شاف سيارته وتذكر دارين والطلب
تركي:سلطان بعدين أكلمك وسكرالجوال ومشى بتجاه السياره دارين كانت جالسه وسرحانه
ركب فالمقعد اللي بجنبها
وكان بأيدها سلسالها طاح عليها ومسكته بأيدها
دارين بشهقه قويه يوم حسته يركب
تركي بحركه سريعه سكرالباب اللي وراها(عشان ماتنزل)
تركي:لاتخافين ماراح اسوي شي بس بقولك كلمتين
دارين:مايصلح نكون بروحنا ونزلت راسها
تركي:دقايق بس ماراح أطول
تركي: دارين أنا أنا أنا بخاطره(كيف أقولها كيف انطق أحبك كيف)أنابكره برجع لشرقيه
دارين بخاطرها(وهذا اللي مخليني حزينه) بهمس تروح وترد بالسلامه
تركي:يعني أهمك
دارين ساكته ومشبكه أصابعها ببعض من التوتر
تركي ذاب من حركاتها
قال بهدواء وع شفايفه أبتسامه خبيثه: بتجلسين معي أن شاءالله ونكون قدام الكل
دارين فهمت قصده وولعت خدودها
تركي:الساعه2 فكي بلوتوثك
يعني إذاتسمحين
دارين ملتزله الصمت
تركي:يالله قلبي ننز( ووقف عن الكلام حس بكلمةقلبي اللي طلعت من دون قصد بس طالعه من قلب)
دارين(آآآه ويقولي قلبي)زادت دقات قلبها
تركي:أناآسف لازم الحين ننزل تأخرنا
فتحت الباب ونزلت
تركي أخذ جاكيته ونزل بسرعه
تركي:لحظــــه
دارين لفت له وقالت بهدواء:شفيــــه
تركي بأبتسامه تذبح:سلامتك بس شكلك نسيتي أحنا ليه جايين
دارين ذابت من أبتسامته ناظرت تحت وماتت من قربه لها
تركي:خذي الجاكيت وروحي قبلي عشان مايشكون وإذا سألوك عني قولي أنك ماشفتيني
تركي وهو يمدالجاكيت
دارين وهي تمد يدها برعشه أخذت الجاكيت وراحت لهم
ناظرهاتركي الين أختفت عن عيونه تنهد وطلع الجوال وكمل كلام مع سلطان
تركي:هاااسلطان علومك
سلطان:علومي توك مقفل بوجهي
تركي:ههههههه ولاتزعل بس كان غصب عني
سلطان:لاياشيخ صدقتك
تركي:سلطان والله أتكلم من جد
سلطان:طيب وشسالفه
تركي بهدوأ:كنت معها بالسياره
سلطان:أمك ولا أختك
تركي بنفس الهدوأ: لاهاذي ولاذيك
سلطان:تركي لاتكون جالس مع وحده من الشارع لاتنسى تراك شرطي
تركي( عصب):سلطان مستحيل تفهمني
سلطان:أعصابك قولي مين
تركي:اللي صادفتها بالمكتبه
سلطان مو فاهم:وش جابها بسيارتك لاتكون تشتغل سائق
أجره وأنا ماأدري
تركي:أقول سلطان تقفل ولا أقفل أنا
سلطان:لاتركي فديتك قول السالفه وربي لاسكت وماأتكلم
تركي:لا أنت شكلك مطول والشباب ينتظرون بكره أقولك السالفه وجهــــالوجــــه
سلطان:ياأخي أبي أعرف الحين
تركي:سلطان مع السلامه
وسكر الجوال
بعدمارجعت دارين
جلست دارين مكانها والجاكيت بحضنها
فراس:ليه تأخرتي
دارين:هذا أنا ماتأخرت
جواد:دارين ماشفتي تركي وانتي جايه
دارين مرتبكه :لالاماشفته
جومانه جالسه ساكته حست بفراغ بعد ماراح شادي
شوي وجاء تركي :هاااي
جواد:لاوين رحت يابو الشباب
تركي وهو يجلس ويناظر دارين:كنت أكلم حبيب قلبي
دارين فهمت أنه يقصدها ولعت أخدودها من المستحى وحمدت ربها أن عليها لثام ولا كان أنكشفت
جواد:لا وماتستحي تقول أنك تغازل عندنا
تركي :هوه شفيكم قلت حبيب قلبي مو حبيبت قلبي
الاوين الطلب يادارين
دارين(وماكنك تعرف يالبريئ)
دارين قامت وجت قباله ومدت الجاكيت
تركي أخذا الجاكيت وحط عينه بعينها وع شفايفه شبه أبتسامه
أخذالجاكيت ورجعت مكانها
لفوا العلبه
وجت ع فراس وشادن
تركي:ياالله ياجواد اطلب أو أسأل رويدا
فراس:لحظه أفكر
فارس بجنب فراس
فارس يساسر فراس:أقولك
خلهاترقص
فراس:لاياشيخ
جواد:ياالله خلصنا
فراس:خلاص بعدالعشاء ترسل لي بلوتوث عــ ذوقها
هاه شقلتي
شادن:انزين وهي دقات قلبها طبول
لفوا العلبه وجت ع جواد و رويدا
شادي:يالله اطلب من البنت
جواد يناظر رويدا
عبدالرحمن بجنب جواد وهو يساسره:أقول خلها تغني صوتها
عذاب
جواد:أوكي
جواد أقول رويدا أطلب منك تغني
الكل:واااااااااو
استغربة طلبه وتفأجاة:
لا ماراح أغني
الكل أعترض
جواد:وانامو متنازل عن ذا الطلب
رويدابعدأقناعهم :أوكي شتبغون
رويدا:ع ذوقك
رويدا وهي تناظر جواد
وبصوت عذاب رومانسي
الأماكن كلها مشتاقه لك
والعيون اللي نرسم فيهاخيالك
والكل يصفق ويصفر ردوا وراها ذا المقطع
رويدا :الأماكن
الكل:آآآه
رويدا: الأماكن
الكل: آآآه>وجواد يطلع الآه من اعماق قلبه
رويدا:كنت أظن الريح جابت عطرك يسلم علي
كنت أظن الشوق جابك تجلس بجنبي شوي
كنت اظن..وكنت اظن وخاب ظني
ومابقى بالعمر شيء واحتريتك
الأماكن كلهامشتاقه لك
بعد مانتهت الكل صفق لها وبنظرات جواد لها أعجاب وحب
بعد ماأنتهت جلسوا
جواد:بماأنك ياتركي بكره بتسافر عطنى أغنيه ختاميه
عــ العود
فراس :بجيب العود في الخيمه وأجيلك جهز نفسك
ناظر دارين وهي تكلم رويدا وكانه يملى عينه منهاويحتفظ بصورتها داخل عيونه
جابوا له العود ودق بصوت حزين وعيونه بالفراغ
باخذ معي صورتــك يمكــن تسلينــــي
قصايـــد الحـــب في شعــرك مرثيـــه
(ونظراته تتحول لدارين غصب عنه)
وانقــش حروف اسمــك بقلبي
وفي يدينــي
واكــتب قصيـــده واسميهـــا الوداعيـــه
خــلاص وش عــاد باقـــي يانظــر عينــي
بكــــره بسافــر ولا ضنيــت
بــ لجيــه
الكــــل حــــزن
بعد ماخلص نزل العود وقال يالله تعبنا راحوا لخيامهم وصحوا شادي اللي كان نايم
و اتعشوا
وناموا الشياب والحريم
جهاد يسولف مع زوجته
جهاد:حياتي بكره بيجي أخوك مشاري وفيصل وخواتك
وصال:صدق والله
جهاد :إيه ياعمري الوالد قال خلهم يجون يستانسون معنا
وصال :زين سويت
جهاد:يالله أحس أني تعبان بروح أنام
تصبحين ع خير
وصال:وأنته من أهله حياتي
دخلت وصال الخيمه ونامت
محسن:الو
ساره:هلامحسن
محسن:شتسوي
ساره:أسوي لوسن فراشها
عشان أنومها
محسن:تصدقين وحشتيني
ساره:أمداك قبل شوي كنت عندك
محسن:أقول ذا البلشه جاني يبي النوم
ساره:منو
محسن:جهاد وفيه حدغيره
ساره:هههههه طيب سكر لايذبحك
محسن:أوكي تصبحين ع خير
وقفلوا محسن وجهاد ناموا
وساره نومت بنتها ونامت
جنى ودنيا جالسات ع البساط ويلعبوا مع فارس وعبدالرحمن كيرم
بخيمةالمجلس عندالبنات
شادن:يوووووه يابنات وش أرسل له(الرساله الطلب من فراس في لعبةالصراحه)
شادن:دوري له إي وحده وأرسليها
رويدا:لا شوفيلك وحده عذاب
جرح(يعني حلوه)
دارين:ترى أخوي رومانسي وموكل شي يعجبه
شادن:تكفين عاد وهي تفتح الأستوديو بنات شرايكم بأغنية
عباس إبراهيم (دواك عندي)
رويدا:إيه أرسليها حلوه
شادن وهي تبحث بلوتوث
بنات مالقيت الا( بالشرقيه وقلبي بالرياض)
رويدا:هذا تركي شوفي أحد غيره
دارين من قالت شادن البلوتوث
وهي تحس أنها المقصوده وتذكرت الموعد ناظرت بساعة جوالها شافتها الساعه30 :1
يعني باقي نصف ساعه
جومانه متمدده وساكته وتفكر بشادي والشي اللي غيره
شادن:موقادره ألقى أسماء بلوتوث
رويدا:طيب دارين دقي ع أخوك يفتح بلوتوثه
دارين :أوكي دقايق وأخذت الجوال ودقت عليه
عندالشباب ببيت الشعر بعد ماغيروا من نفسية شادي وخلوه ينسى همه
شادي أندمج معهم بسرعه ونسي كل شي
كانوامجتمعين ويلعبون ورق
ويشربون شاهي وياكلون مكسرات
دق جوال فراس
فراس وقف العب
فراس:الو
دارين:فراس فك بلوتوثك
بترسل عليك شادن ولانسيت الطلب
فراس:تصدقين راح عن بالي دقايق وافتحه
أرسلت المقطع على بلوتوثه
اللي كان(أخذي فكره ودقي بكره>>>الولد مغازلجي منتهي)
عندفراس دق جواله بنغمةالمسج وكان ذا المسج من بلوتوثها اللي بأسم
(تضحك وأنا لجلك أموت)
فتحه حصله مقطع صوت
سواتشغيل
أدواك عندي والأظلم دايم البادي
والله لوريك شي مابعد شفته
ماهوبصالحك يوم تجرب عنادي
والله من ريق ماينشف ونشفته
فرقاك عادي ترى وأقل من عادي
انامن الله كذا لاعفت أحد عفته
ماني من اللي يتبع المقفين وينادي
وياعنك بقفي وماعيني بملتفته
طوفت لك لين شفتك حيل متمادي
والحين بارد لك كل اللي طوفته
بخلي عقلك فوادي وقلبك فوادي
وبيصادفك شي مافي يوم صادفته
بعدهالكلامات سرح ذهن فراس بعيد(ياربي شقصدها من هالأغنيه وليه لقبهاتضحك وأنا لجلك أموت يعني معقوله ياشادن تحبين وتعانين بعد)
خلصوا الشباب لعب وأتمددوا ع أماكنهم بالظلام
كانت الساعه2
قفلوا البنات جوالاتهم وتمددوا بالظلام الإدارين متمدده معهم بس جوالها بأيدها
(شرقاوي وقلبي بالرياض)
>>تركي
أرسل مسج لدارين اللي كان بلوتوثها(الرمش الخجول)
تركي(ياويلي ع الرمش وصاحبه)
أستلمت وكان ملاحظه
صباح الورد
الرمش الخجول:
اهلا صباح النور
( شرقاوي وقلبي بالرياض)
كيفك الحين
(الرمش الخجول)
تماااام
(شرقاوي وقلبي بالرياض)
أممممم ممكن أعترف لك بشي
الرمش الخجول:
وحست برعشه بجسمها
:تفضل
رويدا كانت أقرب وحده لدارين
رويدابهمس :يراسلك
دارين بخوف:منهو
رويدا:الشرقاوي
دارين بتعجب:شدراك
رويدا:من أصوات المسجات بعدين أهو سألني عن بلوتوثك
وقلتله عن لقبك
دارين:يعني عارفه السالفه
رويدا: عارفه كل شي بس اللي موفاهمته تركي مو راعي حركات كيف سوا كذا
دارين استحت وماردت
رويدا:الله يهنيكم ولفت للجهه الثانيه تنام
دارين ناظرت شافت المسج ع الشاشه فتحته
(شرقاوي وقلبي بالرياض)
دارين أناتعبت أكتم بقلبي أنا أحبك يادارين أحبك من يوم قابلتك بالمكتبه وأنا كل حياتي ملخبطه كنت خايف تضيعين مني لأني ماأعرفك بس الحين كل شي تغير ومايفرقنا إن شاء الله الا الموت أحس براحه يوم أعترفت لك بحبي
أعرف أنك مابتردين علي بس هذا اللي حبيت أوضحه لك
وأناماشي اليوم الصباح
مع السلامه وتصبحي ع خير)
دارين كل شي عندها متلخبط ماتدري كيف قرأت رسالته وكلماته نزلت منها دمعه يتيمه ع خدها اليمين ماتدري وش مناسبتها هل هي دمعة فرح بالأعتراف ولا خوف
مسحتهابسرعه
نزلت الجوال وتنهدت بقوه
(ليه ياتركي تقول لي هالكلام ليه تعذب قلبي وتروح ليه تسافر ليه)
كانت الساعه تقريبآ3 الفجر أخذت لفته وحطتها ع رقبتها وطلعت بهدواء عشان البنات مايحسون مشيت بخطوات هادئه
لفت وراء الخيمه ناظرت بجهت
بيت الشعر شافت أنسان جالس بس بمسافه بعيده شوي عن بيت الشعر
كان معطيها ظهره وكان ضام يدينه من حركته باين أنه بردان
عرفت دارين أنه تركي ظلت واقفه تناظره فتره مو قصيره
قام تركي ولف ع وراء بيروح لبيت الشعر شاف اللي كان بذا الحظه يفكر فيها شاف اللي خذت قلبه وعقله
ظلوا واقفين بس تبعد عنهم مسافه مو قصيره
دارين حست أن الوقفه بطول
فقالت تنهيها لفت وراء ومشت لأتجاه الخيمه
ناظرفيهاتركي الين أختفت عن عيونه مشى ودخل بيت الشعر أتمدد وهو النوم بعيد عن عينه
عنددارين بالخيمه الكل نايم
أخذت جوالها بحثت عن بلوتوث
لقت(شرقاوي وقلبي بالرياض)
تشجعت وأرسلت له
تركي شاف جواله يأشر جنبه
أخذه شاف ع الشاشه بلوتوث من (الرمش الخجول)
استقبله تركي بلهفه
وصله المسج شافه مقطع صوت ركب سماعةالجوال عشان مايزعج اللي نايمين
شغله
ديربالك على حالك
عسى دنياك تحلالك
وإذابتطول الغيبه
فال الله ولافالك
دير بالك على حالك
تركي(الله يخليك لي ولايحرمني منك)
رد عليها تركي بمسج
عند دارين
شغلته كان مقطع (لعيضه المنهالي)
ياويل حالي من جفاك ومن بعادك ومن فرقاك
من زود مايهواك قلبي على روحي يبديك
أرخصت لك عمري وعيني تمنى شخصك ولقياك
عندأمل بالحب ياقلب لاخابت رجاويك
(دارين ياويل حالي أنا من بعدك)
وناموا بعد المسجات قبل صلاة الفجر بربع ساعه
وقــــت الفجــــر
قاموا الرجال وصلوا بعدها ودعهم تركي ورجعوا ناموا
الحريم والبنات صلوا ورجعوا ناموا
أم تركي طلعت تسلم ع ولدها
أم تركي:أنتبه ع نفسك ياولدي
وتراني أعرفك تنام تحت المكيف البارد بدون غطاء وأنتبه عأكلك
تركي:هههههههه يمه الله يطول بعمرك أنا موصغير
أم تركي: شسوي ياأمك ولدي الوحيد شوف لاتتأخر بالشرقيه
تركي أن شاءالله يمه وباس راسها
ام تركي:لاتسرع سوق ع مهلك
تركي وهو يمشي من عيوني ياالغاليه مع السلامه
أم تركي:مع السلامه راح لبيت الشعر وابتسم من حوست الشباب اللي نايم بالفراش عكس واللي حاط رجله ع بطن الثاني
مشى بهدواء ياخذ مفرشه وجواله
أم تركي دخلت ودعت لولدها بالتوفيق ونامت
ودارين كانت تناظر متى يطلع تركي تشوفه طلعت بعدمادخلت أم تركي وكانت بمكان تقدرتشوف تركي وهو مايشوفها
طلع تركي وهو ماسك مفرشه حطه بسيارته من الخلف راح يمشي بيركب وهوحاس بنظراتهابس مايبي يشوف عيونهاويضعف وفذا الحاله ممكن يكنسل الروحه فتح الباب وأول ماركب طاحت منه حاجه تلمع من بعيد شغل سيارته ومشي بعيد
طلعت دارين راحت لأتجاه سيارته ومدةأيدها ع اللي طاح كانت ساعته من
{AL_GHAZALI{
أخذتها أتأملتها كان شكلها مره حلو لونها أبيض وباين عليها أن سعرها غالي
ضمتها لصدرها
وقفت وناظرت بلفته اللي ع رقبتها أخذت طرفها وحطته بكفها شمت عطره وو جهت نظراتها للجهه اللي مشى منهاتركي
خلــوا بقـايـا عطرهــــم
في كفــوفــي
راحـــوا وأنــالأنفاسهـــم
كــــنت محتــــاج
تنهدت وأتجهت للخيمه خبتها بشنطتها ورجعت تفكر الين غلبها النوم
تركي بعد مامسك الخط
لف لشنطه السياره يبي مويه أخذ العلبه وشرب شوي ولف بينزلهاشاف بمكانها شي لامع
مدأيده وأخذه ونزل الماء شافه سلسال فضي لامع وبوسطه رسمة قلب مفرغ ومكتوب بوسطه (دارين)بالكرستال وكان شكله ناعم حيل وحلو
بس تصكيرت السلسال كانت مكسوره
(يوم كانت بسيارته وحست فيه شهقة بقوه وطاح منها من الصدمه لانه أنكسر عليها وطلعته وقبل لايركب كان بأيدها)
تركي شاف أسم دارين عرف أنه طاح منها يوم كانت بسيارته
ضغط عليه بكفه بقوه وكانه خايف أنه يضيع منه
بعـــدالغـــداء
كان الجو ممطر ع خفيف طلعوا البنات يجلسون مع الحريم
أم جهاد:يالله أنك تحيي بناتي
شادن:تسلمين ياخالتي
أم محسن: الا مامليتوا يابنات من البر
جومانه:بالعكس ياخاله فلة حجاج
أم شادن:جوجو وتعلمنابعد فلة حجاج
وصال:هذا البر ياخاله يعلم
الا أقول ترى خواتي بيجون اليوم بالليل
رويدا وتصفق:فله بنات غيرنا
أم تركي:يابنت استحي وناظرت في وصال الا أهم كم
رويدا:هذا توها تقول استحي
الكل :هههههههههههههه
وصال:ثنتين ياخاله غاده 25سنه متزوجه وعندها بنوته عمرهاسنتين وغيداء20 سنه
أم تركي: ماشاءالله غيداء عروس
أم محسن:إيه زوجي ولدك
دارين بخاطرها(لايمه لاتقولين كذآ)
أم تركي:مادامهم زي وصال يشرفني بس خله بالأول يوافق عـ الزواج
دارين( ياروح دارين)
وظلوا سوالف وضحك مع ذا الجو الحلو
بجهه ثانيه الشباب أخذوا الشياب
وراحوا معهم يمارسوا رياضة المشي بعد مافك شادي إيده وحس أنها صارت تمام
بمكـــان ثانـــي
بالشــــــرقيه
توه تركي ماخذ شاور ولابس بدلة العمل ركب سيارته وطلع للمركز
جلس مع سلطان بعدالسلام وقاله كل السالفه
وسلطان مستانس من وناسة صديق عمره تركي
بعـــدالمغـــرب
أبوجهاد:حياالله من جانا
مشاري+وفيصل:السلام عليكم
الكل:وعليكم السلام
بعدماسلموا وبعدالترحيب
(مشاري أنسان طيب متواضع عمره 27سنه ملامحه عاديه بس مملوح أصغرمن وصال
أبوه وأمه متوفين في حادث سياره
يشتغل بشركه حكوميه خاطب
من بنات خالته وزواجه بالأجازه)
(فيصل عمره 22سنه اسمر ملامحه عاديه يشتغل بشركة الآتصالات
بس أنسان ضايع بسبب الشله اللي يماشيها)
مشاري:والله مكانكم ياعم هادئ وحلو
بوشادي:بعدك ماشفته خل الصبح يجي وتشوف
فراس بجنب جواد ويساسره
فراس:تصدق هذا فيصل ماعجبني
جواد:شقصدك راعي بنات يعني
فراس ويحرك أكتافه:ماأدري يمكن
جواد:وانت يعني ماعندك حركات
فراس عصب عليه: أقول كل تبن أناماأكلم كثير وحتى لو أكلم
وحده بس
جواد:يحليلك وحده بس طيب شدراك أنه يكلم عشر يمكن وحده
فراس:آف أنته مامنك فايده
بوجهادوهويقطع عليهم :شفيكم ياعيال وراكم تتساسرون شاركونا بالسوالف
جواد:سلامتك يبه مافيه شي
بومحسن:اجل شرايكم بكره نطلع
ونتمشى
مشاري :اللي تشوفه ياعم
في خيمــةالحريــــم
غاده اندمجت بالسوالف مع الحريم وخصوصآساره
(غاده حبوبه وطيبه طويله وريانه شعرها أسود طويل شوي وبشرتها حلوه)
(غيداء إنسانه حلوه بشرتها بيضاء جسمها حلو شعرها أسود قا
